Sipas analizave të Institutit Amerikan të Luftës, një sulm i madh në Kyiv po përgatitet. Maksim Kamenjeckij, profesor në Institutin e Marrëdhënieve Ndërkombëtare, foli për këtë nga Kyivi, për televizionin N1.
I pyetur nëse po përgatitej një sulm i madh në Kyiv, Kamenjecki u përgjigj: “Diçka po përgatitet rreth Kyivit. Të gjithë ata që donin të largoheshin nga qyteti janë larguar dhe pjesa tjetër janë ata që kanë dëshirë ta mbrojnë qytetin e tyre, një surprizë e pakëndshme. Unë mendoj se armikun po e pret një surprizë e madhe e keqe”.
“Më duhet të them gjithashtu se forcat tona kanë zbuluar dhe goditur së fundmi qendrat e kontrollit të ushtrisë ruse në Ukrainë, siç dëshmohet nga humbjet midis gjeneralëve. Ne po përpiqemi të veprojmë në mënyrë strategjike, jo vetëm duke rezistuar në fushën e betejës. Kyivi është gati të mbrohet, ka njerëz dhe forca të tjera që mund të ofrojnë rezistencë pa hezitim”, tha ai.
Kamenjecki tha se kushtet e presidentit rus Vladimir Putin, të cilat ai i vendos para Ukrainës, janë të pranueshme.
“Ata nuk thonë më se nuk e njohin Zelenskiyn, nuk po përmendin formulimin “regjimi i Kyivit”, por janë gati të flasin për gjëra të tilla si “nëse Ukraina e njeh Krimenë si republikë ruse dhe të vetëshpallur, ne ndalojmë së sulmuari”. Ata pyesin, ata i kërkojnë Ukrainës gjëra që kanë të bëjnë vetëm me sovranitetin tonë. Mendoj se çdo ditë e rezistencës sonë ndaj armikut redukton forcën e presionit”, tha ai.
