Morali është aq i ulët në mesin e forcave pushtuese ruse sa që ushtarët thuhet se kanë qëlluar në këmbë për të shmangur luftimet – duke përdorur municione ukrainase për të bërë të duket se janë goditur nga mbrojtësit, shkruan New York Post, përcjell Bota sot.
Trupat ruse janë raportuar gjerësisht se janë demoralizuar në pushtimin, i cili tashmë ka marrë deri në 14 mijë prej tyre, sipas vlerësimit të fundit nga qeveria ukrainase.
Në një bisedë mes ushtarëve të përgjuar nga media bjelloruse NEXTA, një rus tha: “Ata po qëllojnë mbi ne për 14 ditë. ne jemi të frikësuar. Ne po vjedhim ushqime, po hyjmë në shtëpi. Ne po vrasim civilë”, raportoi US Sun.
“Oficerët rusë qëllojnë veten në këmbë për të shkuar në shtëpi. Kufoma ka kudo”, vazhdoi ai.
Një tjetër ushtar u dëgjua duke thënë se shokët e tij “po kërkojnë municion ukrainas në mënyrë që të qëllojnë veten në këmbë dhe të shkojnë në spital”.
Dezertorët përballen me dënime të ashpra në atdheun e tyre, kështu që përdorimi i armëve dhe municioneve ukrainase mbi veten e tyre u lejon atyre të bëjnë që plagët e tyre të vetëshkaktuara të duken si plagë në fushëbetejë, sipas raporteve.
Ushtarët rusë të kapur janë shfaqur në video duke qarë teksa kërkonin falje për vrasjen e civilëve ukrainas, përfshirë fëmijë – dhe pranuan se pushtimi i urdhëruar nga Presidenti Vladimir Putin ishte një “gabim i tmerrshëm”.
Megjithatë, pamjet e trupave të kapur kanë ngritur pikëpyetje nëse Ukraina po shkel Konventat e Gjenevës, të cilat u ofrojnë të burgosurve mbrojtje.
