Rusia shpreson se operacioni i saj ushtarak në Ukrainë do të përfundojë me një marrëveshje gjithëpërfshirëse për çështjet e sigurisë dhe se Ukraina do të pranojë statusin neutral, tha ministri i jashtëm rus Sergej Lavrov gjatë një ngjarjeje mediatike të shtunën.
Lavrov tha se Moska është e gatshme të kërkojë garanci për sigurinë dhe t’i koordinojë ato për Ukrainën, për evropianët dhe, natyrisht, për veten tonë përtej zgjerimit të traktatit veri-atlantik, shkruan CNN, përcjell “Bota sot”.
Lavrov beson se bashkëpunimi i Rusisë me Kinën do të "forcohet" përballë sanksioneve perëndimore sepse në një kohë kur perëndimi po minon hapur të gjitha themelet mbi të cilat bazohet sistemi ndërkombëtar, ne si dy fuqi të mëdha duhet të mendoni se si të vazhdoni në këtë botë.
Kjo deklaratw vjen pasi zëvendësministri i Jashtëm kinez Le Yucheng tha se sanksionet perëndimore kundër Rusisë po bëhen "gjithnjë e më të egër", sipas Reuters.
Edhe pse Kina ka shprehur shqetësimin për luftën në Ukrainë, Pekini nuk e ka dënuar pushtimin rus.
Presidenti kinez Xi Jinping i tha presidentit amerikan Joe Biden gjatë një bisede video të premten se "kriza e Ukrainës është diçka që ne nuk duam ta shohim".
