Presidenti ukrainas Volodymyr Zelenskiy tha të mërkurën se kishte folur me kryeministrin britanik Boris Johnson, i cili kishte siguruar mbështetjen e tij për Ukrainën përpara samiteve të NATO-s, G7 dhe BE-së, shkruan the Guardian, transmeton Bota sot.
“Kam marrë garanci për mbështetjen e tij [Johnson] në prag të takimeve të rëndësishme të së nesërmes. Diskutuam kursin e armiqësive dhe ndihmën e mbrojtjes për Ukrainën”, shkroi Zelenskiy në Twitter.
Samiti i NATO-s i së enjtes në Bruksel pritet të bjerë dakord për ndihmë shtesë për Kievin, duke përfshirë pajisje për mbrojtjen kundër kërcënimeve kimike, biologjike, radiologjike dhe bërthamore.
Had a phone conversation with @BorisJohnson. Received assurances of his support on the eve of tomorrow's important meetings. Discussed the course of hostilities and defense assistance to Ukraine. We will win together.
— Володимир Зеленський (@ZelenskyyUa) March 23, 2022
