Forcat ruse kishin goditur një rezervuar magazinimi që mbante "mbetje" të acidit nitrik, duke dërguar një shtëllungë që ai tha se nuk ishte një kërcënim për popullsinë lokale, tha të shtunën Serhii Haidai, kreu i administratës ushtarake rajonale të Luhanskut të Ukrainës, shkruan CNN, transmeton Bota sot.
"Kishte disa mbetje të acidit nitrik - rreth tre tonë," tha ai në komentet televizive. "Popullsia lokale nuk është nën kërcënim, pasi zona e goditjes rreth rezervuarit të acidit nuk është më shumë se 550 metra. Falë Zotit, nuk kishte mbetur aq shumë acid".
Një video e postuar në kanalin zyrtar Telegram të Haidait tregoi një shtëllungë portokalli në qiell nga vendi i granatimeve. Haidai raportoi gjithashtu bombardime të rënda ruse të komuniteteve të Rubizhne, Popasna dhe Hirske.
Autoritetet ukrainase po vazhdonin evakuimet e civilëve, një ditë pas një sulmi me raketa ruse në një stacion treni ku civilët ukrainas ishin mbledhur për t'u evakuuar nga rajoni lindor i Donbasit, shtoi ai.
