Shpëtimtarët francezë që përpiqen të shpëtojnë një balenë beluga të bllokuar në lumin Senna thonë se ka pak shpresë se ajo do të mbijetojë.
Ekipet e shpëtimit kishin shpresuar të ndihmonin balenën e humbur të rifitonte oreksin e saj dhe energjinë e nevojshme për t'u kthyer në det.
Gjitari dukshëm i kequshqyer u pa për herë të parë në lumë të martën, rreth 70 km në veri të Parisit, raporton BBC.
Pas përpjekjeve të dështuara për ta inkurajuar për të notuar jashtë, shpëtimtarët janë pesimistë për shanset e tij për të mbijetuar.
Deri më tani, shpëtimtarët kanë ofruar harengë të ngrirë dhe troftë të gjallë për të ushqyer balenën katër metra të gjatë, por kafsha nuk duket se ka pranuar.
Autoritetet kanë konsideruar se injektimi i vitaminave për kafshën e bllokuar do të stimulojë oreksin e saj dhe do ta ndihmojë për të bërë udhëtimin e gjatë 160 km të kthimit, mbrapa lumit dhe deri në Kanalin Anglez, ku mund të notojë përsëri në habitatin e saj Arktik.
Por lënia e tij në ujin e ngrohtë të ndenjur midis portave të bllokimit nuk është më një opsion.
"Ajo duhet të zhvendoset në 24 deri në 48 orët e ardhshme, këto kushte nuk janë të mira për të," tha kreu i Sea Shepherd France, Lamya Essemlali duke shtuar se ekspertët po japin "pak shpresë" për balenën dukshëm nën peshë.
"Ne të gjithë dyshojmë për aftësinë e saj për t'u kthyer në det. Edhe nëse e ‘ngasim’ me një varkë, kjo do të ishte jashtëzakonisht e rrezikshme, nëse jo e pamundur. Megjithatë, "eutanazia" është përjashtuar tani për tani”, tha Essemlali.
Ekspertët janë të habitur se si balena arriti të largohej kaq larg nga habitati i saj natyror - ujërat e ftohta të Arktikut dhe nën-Arktikut.
Në maj, një balenë vrasëse u gjet e vdekur pasi notoi në lumin Senna në Normandi.
Në vitin 2019, një balenë e ngordhur u gjet në lumin Thames pranë Gravesend në Mbretërinë e Bashkuar.
