Të paktën tre amerikanë kanë vdekur në tërmetin e së hënës në Turqi, ka thënë Departamenti i Shtetit të mërkurën në një deklaratë.
“Ngushëllimet tona më të sinqerta viktimave dhe familjeve të të gjithë të prekurve”, ka thënë një zëdhënës. “Për shkak të çështjeve të privatësisë, në këtë kohë nuk kemi detaje shtesë”, raporton CNN.
Zyrtarë amerikanë po punojnë për të ofruar mbështetje për viktimat dhe anëtarët e familjeve të tyre.
Numri i të vdekurve nga tërmeti shkatërrues në Turqi dhe Siri ka shkuar në së paku 12,049 persona, thanë autoritetet.
