Hetimet vijojnë ende për masakrën e dytë me një bilanc prej 8 personash të ekzekutuar në Serbi, me autor një 21-vjeçar.
Dyshohet se autori 21-vjeçar nga Mlladenova, Urosh Blazhiq që vrau tetë të rinj me kallashnikov dhe plagosi 14 të tjerë natën e së enjtes dhe të premtes, ka pasur bashkëpunëtorë.
Prokuroria dhe policia janë duke hetuar nëse ai ka pasur ndonjë lloj ndihme nga një person tjetër dhe nëse konstatohet se ka pasur, do të vijojë puna për zbardhjen e të gjitha fakteve dhe ndëshkimin e atyre personave.
I riu ka qëlluar dhe ka vrarë njerëz nga fshatrat përreth Dubonë dhe Malo Orashje, të cilët as që i njihte. Blaziq ka pranuar krimin gjatë seancës në Prokurorinë e Lartë Publike në Smederevë dhe i është caktuar masa e paraburgimit deri në 30 ditë.
8 të vrarë dhe 13 të plagosur (7 prej tyre në gjendje kritike) ka qenë bilanci i frikshëm i një masakre me autor një 21-vjeçar, i biri i një oficeri të ushtrisë serbe.
Masakra ndodhi më 5 maj pas një debati në oborrin e shkollës, ku më pas 21-vjeçari Urosh Blazhiq ka shkuar në shtëpi për të marrë armën. Në fillim ka qëlluar me breshëri automatiku në fshatin Dubona, rreth 60 kilometra në juglindje të Beogradit. Më pas u largua nga vendi i ngjarjes, dhe filloi sulmin me armë, në fshatrat Malo Orashje dhe Sepsin.
