Italianët janë tërbuar pasi një turist u filmua duke gërvishtur emrin e tij dhe të dashurës, “Ivan + Hayley" në murin e Koloseut të lashtë të Romës.
Një kalimtar i rastësishëm filmoi turistin teksa gdhendte emrat në muret prej guri të ndërtesës 1937-vjeçare duke përdorur një çelës.
Burri mund të shihet duke gërvishtur 'Ivan + Hayley 23' në një nga tullat, me gjasë duke u përpjekur të pasqyrojë datën e vizitës së tyre.
Burri që gdhendte muret, i cili kishte veshur pantallona të shkurtra dhe një bluzë blu, buzëqeshi në kamerë kur kuptoi se po filmohej.
Por video tani është bërë virale dhe nëse kapet ai mund të përballet me një gjobë deri në 17,000 £ ose mund të përballet me një vit burg.
Në një deklaratë, ministri i Kulturës i Italisë, Gennaro Sangiuliano tha:
Unë e konsideroj shumë serioze, të padenjë dhe një shenjë të paqartësisë së madhe që një turist të prishë një nga vendet më të famshme në botë, një trashëgimi historike si Koloseu, për të gdhendur emrin e të fejuarës së tij. Shpresoj që kushdo që ka bërë këtë gjest në Amfiteatrin Flavian do të identifikohet dhe sanksionohet sipas ligjeve tona.
Një zëdhënës i policisë në Romë tha:
Ne jemi informuar për këtë incident dhe po kërkojmë të identifikojmë fajtorin dhe kur ai të kapet, ai do të ndëshkohet.
