Iva Milka Kramariq, pronare e një kafeneje në Severin, në veri të Kroacisë, pretendon se fundjavën e kaluar është sulmuar fizikisht nga kryetari i komunës Zharko Zhgela.
Është komuna më e vogël në qarkun Bjelovar-Bilogora me pothuajse 700 banorë, raporton jutarnjilist.
“Zharko Zhgela më goditi në gjendje të dehur para kafenesë sime në Severin. Për këtë ka dëshmi. Janë pamjet e kamerave të vëzhgimit që i kam vendosur në dhe përreth kafenesë”, tha Kramariq.
Ngjarja ka ndodhur pasi ‘shefit’ i është refuzuar pirja sepse ishte dukshëm i dehur.
“Pasi e largova nga vetja, shefi më bërtiti dhe më shau. ‘A e dini kush jam, ky është fshati im’. Më ka goditur disa herë, herë me grusht, herë me shuplaka”, kujton Kramariq.
Ajo ka shtuar se kafenenë e ka hapur më 5 maj dhe që në fillim ka pasur probleme me ‘shefin’, por edhe me punëtorët e saj.
Policia kroate ka njoftuar se është duke u zhvilluar një hetim penal.
Zhgela e mohoi prerazi përfshirjen, por ndërkohë dha dorëheqje nga partia HDZ, e cila e dënoi ashpër këtë veprim të tij.
Pamjet mund ti ndiqni KËTU
