Wladimir Klitschko, vëllai i kryetarit të bashkisë së Kievit, Vitaly Klitschko, reflektoi mbi ngjarjet në Ukrainë dhe iu përgjigj pyetjes nëse do të ishte gati të vdiste për vendin.
Gjatë një interviste për ZDF, Klitschko shpjegoi se jo të gjithë mund të jenë kreu i shtetit dhe i ushtrisë.
“Ata kanë nevojë për mbështetje nga mbrapa, për njohuri. Fëmijët trajnohen edhe për ndihmën e parë. Ti përshtatesh. Mëson, digjitalizohesh. Sepse falë digjitalizimit, ne kemi mundësi të zbulojmë se kush është armiku”, tha ai.
I pyetur nëse është gati të vdesë për Ukrainën, ish-boksieri ukrainas ka dhënë një përgjigje interesante.
“Jo, nuk jam gati të vdes për vendin. Jam gati të jetoj për të. Është më e ndërlikuar sesa të vdes. Në Ukrainë për momentin nuk është e sigurt nëse do të mbetesh gjallë dhe i shëndetshëm”, tha ai.
Gjithashtu, ish-kampioni i boksit foli edhe për dallimin kryesor mes luftëtarëve rusë dhe ukrainas.
“Rusët janë mobilizuar dhe vullnetarët luftojnë në Forcat e Armatosura të Ukrainës. Ukrainasit janë të ndryshëm. Shumica e njerëzve në front nuk janë të mobilizuar”, thekson Klitschko.
