Transporti hekurudhor është ndërprerë në të gjithë Mbretërinë e Bashkuar të mërkurën pasi drejtuesit e lokomotivave të sindikalizuara hynë në grevë për çështje që lidhen me kushtet e punës, rritjen e pagave dhe sigurinë e punës.
Greva u thirr nga Shoqata e Asociuar e Inxhinierëve të Lokomotivës dhe Zjarrfikësve (ASLEF) dhe ka prekur 16 operatorë hekurudhor, shkruan aa.
Greva e shoferëve të lokomotivave erdhi pasi sindikata njoftoi veprimin muajin e kaluar për shkak të një mosmarrëveshjeje të vazhdueshme mbi pagat dhe kushtet e punës.
Sindikata ka zbatuar edhe ndalimin e punës jashtë orarit për drejtuesit e mjeteve të hënën, i cili do të zgjasë deri të premten.
Për shkak të aksionit të grevës, National Rail lëshoi një përditësim, duke paralajmëruar pasagjerët për ndërprerje të konsiderueshme të shërbimeve.
"Pa unitetin dhe fuqinë industriale të anëtarëve tanë, nuk do të kishim mundësi të bënim përparimin që kemi," tha Mick Lynch, sekretar i përgjithshëm i RMT.
