Emmanuel Macron i Francës dhe Olaf Scholz i Gjermanisë zhvilluan bisedime me kryeministrin armen Nikol Pashinyan mbi konfliktin e Nagorno-Karabakut.
Bisedimet filluan në orën 15:30, tha zyra e presidentit francez.
Me të mbërritur në Granada, Pashinyan shprehu keqardhjen që nuk do të takonte presidentin e Azerbajxhanit Aliyev për mundësinë e nënshkrimit të një “dokumenti të një pike kthese”.
Franca, e cila ka një diasporë të madhe armene, tradicionalisht ka ndihmuar në ndërmjetësimin e mosmarrëveshjes territoriale prej dekadash midis Armenisë dhe Azerbajxhanit mbi Karabakun.
