Selcuk Bayraktar, njeriu i parë i kompanisë Baykar, është mburrur në rrjetet sociale me suksesin e madh të fluturakes pa pilot Bayraktar TB2, i cili prej kohësh është i pranishëm në shumë vende të botës.
Përkatësisht, kompania, por edhe pronari i saj, u mburr me faktin se Bayraktar TB2 kishte arritur 750 mijë orë fluturimi, që u shënua si rezultat mbresëlënës.
“Bayraktar përdoret në mënyrë aktive nga ushtria ukrainase. U organizuan fushata në Lituani, Ukrainë, Poloni, Letoni, Norvegji, Spanjë dhe Kanada për të blerë Bayraktar TB2, dhe për t’ia dhuruar ushtrisë ukrainase. Baykar nuk pranoi donacione të mbledhura nga fushatat e organizuara në Lituani, Ukrainë dhe Poloni dhe dhuruan ndihma të mbledhura për blerjen e Bayraktar TB2 për nevojat e ukrainasve”, tha Bayraktar.
Gjithashtu, u theksua se të gjitha pjesët kryesore të dronit, dizajni dhe softueri ishin punë e punëtorëve turq dhe prodhohen në Turqi.
Përveç kësaj, kompania u mburr me faktin se kishte lënë pas vetes konkurrentë të shumtë.
