Një anije me 400 pasagjerë që po lundronte 260 kilometra larg bregut perëndimor të Danimarkës dhe 249 kilometra larg bregut lindor të Britanisë, u përballë me valë të frikshme të mëdha gjatë ekspeditës.
Videot e shumta të kësaj ekspedite të raportuara nga mediet e huaja tregonin se si dallgët e fuqishme e lëviznin anijen sikur të ishte prej letre.
Një grua amerikane e cila ishte në bord tha se kishte përjetuar 20 minuta të frikshme duke menduar se do të vdiste kur anija u godit nga vala masive.
Anija luksoze e lundrimit, filloi një ekspeditë 14 ditore nga Tilbury i Britanisë më 9 dhjetor dhe do të kthehej në port më 23 dhjetor.
Elizabeth Lawrence, e cila punon në Apple në Silicon Valley, dhe ishte në bordin e anijes norvegjeze të lundrimit dhe tregoi se sa afër ishin të mbyteshin.
MS Maud #hurtigruten now pic.twitter.com/i5m2qSJIrr
— Sea & son (@OnDeepWater) December 22, 2023
“Do të jem e sinqertë, për 20 minuta dje mendova se anija do të mund të përmbysej, po rrotullohej aq shumë se nuk e kishim idenë se çfarë kishte ndodhur”, tregoi ajo përvojën e saj në X.
Imazhe të tjera të cilat u siguruan nga DailyMail tregonin si dallgët e mëdha kishin arritur të thyenin xhamat e një dyqani brenda në anije dhe produktet kishin mbetur të shpërndara në dysheme.
