BE dakordohet me Greqinë për të drejtuar operacionin e Detit të Kuq nga Larisa.
Këshilli jozyrtar i ministrave të Mbrojtjes të BE-së pranoi propozimin e Greqisë për të menaxhuar operacionin evropian "Mburojat" në Detin e Kuq nga Shtabi grek i Operacioneve të BE-së në Larisa, Greqia qendrore.
Një gjë e tillë u bë sot e ditur nga ministri i Mbrojtjes Kombëtare Nikos Dendias.
“Në Këshillin Joformal të Ministrave të Mbrojtjes të BE-së, sot në Bruksel, gjatë diskutimit për Operacionin Evropian “Mburojat” në Detin e Kuq, informova homologët se Greqia ofron Shtabin e Larisës si Shtab për Operacionin, si dhe që ka gatishmërinë për të marrë drejtimin e operacionit. Oferta jonë u prit pozitivisht," shkroi pas takimit Dendias në një postim në rrjetin social X.
