Sipas “The Times” në Britani, e cila citon Vladimir Osechkin, themeluesin e grupit të të drejtave të njeriut Gulagu.net, lideri i opozitës ruse Aleksei Navalni u vra me një grusht në zemër një grusht në zemër, një teknikë e përdorur nga agjentët e forcave speciale të KGB-së, pasi u ekspozua ndaj kushteve të ngrirjes për disa orë.
Sipas Osechkin, i cili citon një burim që punon në koloninë penale të Arktikut, ku Navalni vdiq të premten e kaluar, mavijosjet e gjetura në trupin e kundërshtarit janë në përputhje me teknikën e “një grushti”.
Manovër për shpëtimin e jetës
Në përgjithësi, bëhet fjalë për një goditje në zemër (ose grusht prekordial) në lidhje me një manovër manuale për të defibriluar organin kardiak gjatë një aritmie.
Goditja me një grusht në zemër konsiderohet një manovër emergjente, e rekomanduar vetëm në mungesë të defibrilatorit dhe konsiston në një goditje të vetme në sternum, në lartësinë e zemrës, në një distancë rreth 20 centimetra. Manovra duhet të kryhet vetëm një herë brenda 30 sekondave nga fillimi i arrestit kardiak.
Arrest kardiak për shkak të “commotio cordis”
Sipas “Times”, megjithatë, teknika e sulmit në zemër u mësohet anëtarëve të KGB-së për të vrarë dhe viktimat që së pari ekspozohen ndaj temperaturave të ngrira për të dobësuar muskujt e zemrës.
Trauma jo depërtuese, edhe pse jo veçanërisht e dhunshme, mund të shkaktojë një ngjarje shumë të rrallë në jetën e përditshme, të quajtur commotio cordis.
Goditja prodhon fibrilacion ventrikular pa dëmtuar sternumin, brinjët dhe zemrën.
Kjo është, siç u përmend, një ngjarje jashtëzakonisht e rrallë që prek kryesisht sportistët e rinj (më shpesh te subjektet e dobëta).
Rasti i një djali anglez, i cili vdiq në vitin 2017, pasi mori një goditje me top në zemër, që shkaktoi commotio cordis, bëri bujë. Çdo njeri mund të goditet mijëra herë nga një top futbolli (ose një top bejsbolli) pa ndodhur asgjë.
Ekziston vetëm një fraksion i sekondës në dritaren e ciklit kardiak në të cilën goditja mund të shkaktojë arrest kardiak, domethënë gjatë fazës së hershme të repolarizimit të ventrikulit, një fazë që mund të zgjasë nga 20 deri në 40 mili-sekonda. Kjo është pothuajse gjithmonë një situatë fatale.
Goditja me kokë e Zidanes ndaj Materacit
Edhe rasti i goditjes së famshme me kokë që Zidane i shkaktoi Materacit gjatë finales së Kupës së Botës në vititn 2006, mund të kishte shkaktuar arrest kardiak sipas mjekëve të ndryshëm sportiv dhe kardiologëve, pikërisht për shkak të llojit të goditjes.
Në fakt, është dokumentuar gjerësisht në literaturën mjekësore se goditjet e papritura të dhunshme në nivelin e zonës së kraharorit prekordial, d.m.th. mbi zemrën, mund të shkaktojnë arrest kardiak, veçanërisht te sportistët e rinj, nëse goditja përhapet në zemër në një moment veçanërisht vulnerabil të qarkut elektrik, duke e destabilizuar atë, duke shkaktuar fibrilacion ventrikular dhe për rrjedhojë arrest kardiak.
