Tani kryeministri Støre premton të marrë masa, përderisa disa rusë që janë të lidhur me regjimin e Presidentit Vladimir Putinit zotërojnë villa pranë bazës ushtarake të Forcave të Armatosura Norvegjeze në Bardufoss.
- Kjo ilustron se është diçka që duhet ta ndjekim me shumë kujdes.
Kush zotëron prona në Norvegji?
Ku ndodhen dhe a mund të jetë një kërcënim sigurie?
Ne kemi një treg të lirë pronash në Norvegji, por vitet e fundit jemi bërë më të vetëdijshëm për çështje sigurie, thotë kryeministri Jonas Gahr Støre për TV2.
Sot nuk ka kontroll sistematik se kush blen prona private në Norvegji, por kryeministri thotë se tanimë kanë forcuar rregulloret dhe se Autoriteti i Sigurisë Kombëtare ka shtrënguar rutinën.
Megjithatë, disa masa nuk kanë hyrë ende në fuqi.
- Po punojmë edhe me Finlandën, ndër të tjera, për të parë përvojat e tyre. Ne duhet të parandalojmë blerjet nga aktorë për të cilët nuk kemi besim, kur ato përzgjedhen në afërsi të instalimeve strstegjike!
Lidhur me regjimin e Putinit
Kanali ka hartuar prona në Norvegjinë veriore që janë në pronësi të qytetarëve rusë. Disa prej tyre janë të lidhur ngushtë me regjimin rus.
Shërbimi i Sigurisë Policore Norvegjeze (PST) theksoi në shkurt ndër të tjera, se Rusia do të blejë prona pranë instalimeve ushtarake dhe prona të tilla mund të përdoren për spiunazh ose të merren nga autoritetet ruse në një krizë ose luftë, sipas PST.
