LIVE: “Putin po bëhet gati të sulmojë...”, vjen paralajmërimin e fortë: Dy momente shumë të rrezikshme për Ballkanin

Analisti Argjend Zejnaj tha në një intervistë televizive se Rusia do ta ruajë botën serbe në rajonin e Ballkanit.

Sipas tij, dy janë momente këtë vit kur rajoni rrezikohet nga sulmet, në qershor kur mbahen zgjedhjet në BE ose në nëntor kur mbahen zgjedhjet në SHBA.

“Ose qershori kur do mbahen zgjedhjet në BE dhe të gjithë do jenë të përqendruar atje, ose nëntori kur do mbahen në SHBA këto mund të jenë 2 momente shumë të rrezikshme për rajonin e Ballkanit.

Teorikisht të gjithë po përgatiten për një sulm të mundshëm te Moldavia, që pak kilometra e ndajnë nga ajo që ka okupuar Rusia në Ukrainë, ose në qershor ose në nëntor Transnistri do të provojë të shpallë pavarësinë dhe më pas do ndërhyjë Rusia për të ruajtur popullin e vet nga moldavët.

Dodik gjithashtu do kërkojë të bëjë diçka më konkrete se deklaratat, fakti që ka kaq shumë takime, disa takime i kemi parë, disa që nuk i shohim. Rusia është ajo që do ta ruajë botën serbe në Ballkan”, tha ai.

Kreu i agjencisë së mbikëqyrjes atomike të OKB-së ka dënuar një sulm me dron në një nga gjashtë reaktorët bërthamorë në centralin bërthamor të Zaporizhzhia (ZNPP) të kontrolluar nga Rusia në Ukrainë, duke thënë se sulme të tilla "rrisin ndjeshëm rrezikun e një aksidenti të madh bërthamor".Në një deklaratë në X, Rafael Grossi konfirmoi të paktën tre goditje të drejtpërdrejta kundër strukturave të kontrollit të reaktorit kryesor ZNPP. “Kjo nuk mund të ndodhë”, tha drejtori i përgjithshëm i Agjencisë Ndërkombëtare të Energjisë Atomike (IAEA). Grossi tha se ishte sulmi i parë i tillë që nga nëntori 2022, kur ai përcaktoi pesë parime bazë për të shmangur një aksident të rëndë bërthamor me pasoja radiologjike.

Zyrtarët rusë në uzinë pretenduan se vendi u sulmua të nga dronët ushtarakë ukrainas, duke përfshirë një goditje në kupolën e njësisë së 6 të energjisë të uzinës. Agjencia e inteligjencës e Ukrainës ka mohuar përgjegjësinë për sulmin. “Sulmet ruse, duke përfshirë ato imituese, në territorin e termocentralit bërthamor të Ukrainës...kanë qenë prej kohësh një praktikë e njohur kriminale e pushtuesve”, tha një zëdhënës për mediat lokale. 

Sipas autoriteteve të uzinës, nuk pati dëme kritike apo viktima dhe nivelet e rrezatimit në termocentral ishin normale pas goditjeve. Më vonë, megjithatë, agjencia shtetërore ruse bërthamore Rosatom tha se 3 persona u plagosën në "seri të paprecedentë të sulmeve me dronë", veçanërisht kur një dron goditi një zonë afër mensës së zonës.

Në një deklaratë të veçantë, mbikëqyrësi bërthamor konfirmoi ndikimin fizik të sulmeve me dron në termocentral, duke përfshirë një nga 6 reaktorët

Muajin e kaluar Rusia filloi një sulm masiv kundër sistemit energjetik të Ukrainës duke shkatërruar të paktën tetë termocentrale dhe disa dhjetëra nënstacione. Kjo la pa energji elektrike, ngrohje dhe ujë të pijshëm 2 milionë ukrainas. Kompania private ‘DTEK’ ka thënë se impiantet e saj, të cilat plotësojnë rreth një të katërtën e nevojave energjetike të vendit, humbën 80% të kapacitetit të tyre. Riparimet e shpejta të impianteve mund të shmangin një shkatërrim të plotë të sistemit energjetik të Ukrainës. Zyrtarët ukrainas megjithatë thonë se me rezervat e mbetura të mbrojtjes ajrore është bërë e vështirë të vendoset se çfarë të mbrohet më parë.

Kur një sulm rus zhyti në errësirë një termocentral ukrainas më 29 mars, 51-vjeçari Ihor nuk pati kohë të mendonte.

Ai kapi një elektrik dore dhe shkoi te dhoma e kontrollit e mbushur me pluhur për të shpëtuar atë që kishte mbetur nga sistemi ndërsa muret binin. Ai e bëri këtë ndërsa shikonte nëse pjesa tjetër e stafit kishte mbijetuar.

Lajmin e plotë lexojeni KETU

Forcat e mbrojtjes ajrore shkatërruan të 20 dronët dhe 4 raketa të lëshuara mbrëmë nga Rusia kundër Ukrainës, njoftuan forcat e armatosura të Kievit. Në një postim në Telegram, komandanti i forcave ajrore Mykola Oleshchuk shpjegon se operacionet u zhvilluan në rajonet e Mykolaiv, Odessa, Kherson, Dnipropetrovsk, Poltava, Vinnytsia dhe Lviv.

Mësohet se alarmi i sulmit ajror ka rënë në dhjetë rajone të Ukrainës. Këtë e kanë raportuar mediat vendase.

Sakaq, Kievi ka marr përgjegjësinë për një operacion në enklavën ruse të Kaliningradit, në të cilin anijes raketore Serpukhov iu vu zjarri.

Ndërkohë, makthi bërthamor rikthehet në Ukrainë, me uzinën e Zaporizhzhisë që pësoi një sulm me dron.

“Rusia dhe Kina ranë dakord se çdo takim mbi Ukrainën që injoron interesat e Moskës është i kotë.” Kështu u shpreh ministri i Jashtëm rus, Sergej Lavrov në një konferencë shtypi me homologun e tij kinez, Wang Yi.

“Ne diskutuam situatën aktuale rreth krizës në Ukrainë”, tha Lavrov, shkruan Tass.

“Ne dhe kolegët tanë kinezë mbështetëm përfundimin se çdo takim ndërkombëtar që injoron pozicionin e Rusisë duke promovuar të ashtuquajturën formulë të paqes të [liderit ukrainas Vladimir] Zelensky dhe për këtë arsye janë të shkëputura nga realiteti, janë të kota”, shtoi ai.

Lavrov deklaroi se Moska i është mirënjohëse Pekinit për pozicionin e tij të paanshëm dhe të balancuar ndaj Ukrainës, si dhe për gatishmërinë për të luajtur një rol pozitiv në zgjidhjen e krizës me mjete politike dhe diplomatike.

Sekretari i Jashtëm britanik, David Cameron, ndodhet në Uashington të martën për të ushtruar trysni ndaj zyrtarëve të lartë republikanë për të zhbllokuar ndihmën për Ukrainën. Para së të arrinte në kryeqytetin amerikan, ai takoi në Florida ish presidentin Donald Trump, i cili është i rezervuar rreth kësaj çështjeje.

Sekretari Cameron thotë se fitorja për Ukrainën është "jetike për sigurinë amerikane dhe evropiane", por ish presidenti është një kritik i mbështetjes së vazhdueshme amerikane dhe ligjvënësit e rreshtuar krah tij po mbajnë të bllokuar në Kongres një paketë ndihme për Kievin.

Ministria e Jashtme e Mbretërisë së Bashkuar konfirmoi takimin dhe tha se është "praktikë standarde" që ministrat e qeverisë të takohen me udhëheqësit e opozitës së vendeve aleate në vitet zgjedhore.

Sekretari amerikan i Shtetit Antony Blinken, u takua në shkurt me udhëheqësin e Partisë Laburiste të Mbretërisë së Bashkuar, Keir Starmer, i cili është favorit për t'u bërë kryeministër në zgjedhjet e mëvonshme të këtij viti. Kur zoti Cameron ishte kryeministër në vitin 2012, ai u takua me kandidatin e atëhershëm republikan për postin e presidentit, Mitt Romney.

Zyrtarët britanikë nuk thanë se si rrodhi takimi. Zoti Cameron dhe zoti Trump kanë pasur disa dallime të dukshme në të kaluarën. Zoti Cameron e quajti propozimin e zotit Trump gjatë fushatës së tij të parë presidenciale për ndalimin e hyrjes në myslimanëve në SHBA, “përçarës, të marrë dhe të gabuar”.

Z. Cameron ishte kryeministër i Britanisë së Madhe gjatë referendumit të 2016-ës për largimin e saj nga Bashkimi Evropian, një veprim që ai e kundërshtoi, ndërsa zoti Trump e mbështeti me entuziazëm. Ish kryeministri Cameron dha dorëheqjen pasi votuesit refuzuan thirrjen e tij për të qëndruar në bllok.

Kryeministri Rishi Sunak papritmas e ktheu zotin Cameron në qeveri vitin e kaluar.

Në Uashington, sekretari Cameron planifikon të nxisë ligjvënësit amerikanë të miratojnë një paketë të re ndihme për Ukrainën, duke paralajmëruar Kongresin se po e vë në rrezik sigurinë e perëndimit me bllokimin e fondeve. Ai do të zhvillojë bisedime me ligjvënësit, përfshirë udhëheqësin republikan të Senatit, Mitch McConnell, dhe shpreson të takohet me kryetarin e Dhomës së Përfaqësuesve, Mike Johnson, roli i të cilit është thelbësor në këtë çështje.

Në një video të postuar javën e kaluar në rrjetin social X, sekretari Cameron tha se “kryetari Johnson mund ta bëjë këtë në Kongres”.

NATO’s 75th … a Foreign Ministers’ meeting … and what needs to happen next pic.twitter.com/bvat4wu84C

— David Cameron (@David_Cameron) April 4, 2024

Një paketë ndihme ushtarake prej 60 miliardë dollarësh është bllokuar në Dhomën e Përfaqësuesve, pasi konservatorët kërkojnë të bllokojnë financimin e mëtejshëm për konfliktin dyvjeçar dhe disa republikanë kërkojnë lëshime për sigurinë kufitare, para se të mbështesin projektligjin.

Para udhëtimit, sekretari Cameron tha se "suksesi për Ukrainën dhe dështimi për (presidentin rus Vladimir) Putin, janë jetike për sigurinë amerikane dhe evropiane".

“Kjo do të tregojë se kufijtë janë të rëndësishëm, se agresioni nuk shpaguhet dhe se vendet si Ukraina janë të lira të zgjedhin të ardhmen e tyre”, tha ai. "Alternativa vetëm do të inkurajonte Putinin në përpjekjet e mëtejshme për të ri vizatuar kufijtë evropianë me forcë dhe do të dëgjohej qartë në Pekin, Teheran dhe Korenë e Veriut".

Sekretari Cameron do të diskutojë gjithashtu luftën për luftën Izrael-Hamas, përfshirë përpjekjet për një "armëpushim të qëndrueshëm" dhe për të siguruar më shumë ndihma në Gaza, në bisedimet me zyrtarët amerikanë, përfshirë sekretarin Blinken dhe Këshilltarin e Sigurisë Kombëtare Jake Sullivan. Mbretëria e Bashkuar po dërgon një anije të Marinës Mbretërore në Mesdheun lindor për të forcuar përpjekjet për të hapur një korridor ndihme detare midis Qipros dhe një porti të përkohshme të ngritur nga Shtetet e Bashkuara në Gaza./VOA

Ministri i Jashtëm francez, Stephane Sejourne dhe sekretari i Jashtëm britanik, David Cameron paralajmëruan se nëse Rusia fiton në Ukrainë “do të humbasim të gjithë”, transmeton Anadolu.

Sejourne dhe Cameron bënë vlerësime për situatën në Ukrainë në artikullin e tyre të përbashkët për gazetën “The Telegraph”.

Ministrat folën për bashkëpunimin e përbashkët në kuadër të 120-vjetorit të Antante Cordiale, traktatit të miqësisë së nënshkruar mes dy vendeve si dhe u bënë thirrje vendeve të tjera që të mbështesin Ukrainën kundër Rusisë.

Duke theksuar nevojën për të rritur ndihmën për rajonin, Sejourne dhe Cameron shkruan në artikullin e tyre të përbashkët: “Nëse Ukraina humbet, do të humbasim të gjithë. Kostoja e mosmbështetjes së Ukrainës do të jetë shumë më e lartë se kostoja e zmbrapsjes së Putinit”.

Ata thanë se duhet bërë më shumë për të mposhtur Rusinë dhe se “e gjithë bota po i shikon dhe do t’i gjykojë (ata) nëse nuk arrijnë të mbështesin Ukrainën”.

Presidenti ukrainas, Volodymyr Zelensky kërkoi sërish sistemet Patriot nga faktori ndërkombëtar. Nëpërmjet një mesazhi në rrjetin social X, Zelensky theksoi se Ukraina ka mungesë të sistemeve të mbrojtjes.

“Ukraina ka qartë mungesë të sistemeve të mjaftueshme të mbrojtjes ajrore, dhe kjo është evidente për të gjithë partnerët tanë. Bota më në fund duhet të ndjejë dhimbjen e shkaktuar nga terroristët rusë në Kharkiv, Kupyansk, qytete të rajonit Donetsk, Zaporizhzhia, rajoni Sumy dhe shumë komunitete të tjera ukrainase.

Ka sisteme të mbrojtjes ajrore në të gjithë botën që mund të ndihmojnë. Vetëm nevojitet vullnet politik për t’i zhvendosur në Ukrainë, i jam mirënjohës vendeve që kanë ndihmuar tashmë. Të qenit aktiv në kryerjen e kësaj detyre është përgjegjësi personale e diplomatëve tanë që punojnë në këto fusha dhe me vendet që kanë sistemet e nevojshme.

Patriot tani duhet të jenë në Ukrainë, kështu që nuk do të ketë nevojë për t’i përdorur ato në të gjithë krahun lindor të NATO-s në të ardhmen.”, tha Zelensky.

Presidenti finlandez Alexander Stubb tha se veprimi ushtarak është mënyra e vetme për të arritur paqen në Ukrainë dhe se nuk ka kushte për negociata me Rusinë.

“Në këtë rast të veçantë, mënyra e vetme për të arritur paqen është të luftosh”, tha Stubb në një intervistë për CNN.

Ai theksoi se arritja e paqes është një proces i dyanshëm. Sipas tij, është e nevojshme që të dyja palët “të kryqëzohen në një fazë, kur të krijohen kushtet”. Stubb deklaroi se nuk e di se kur do të krijohen kushtet e nevojshme për këtë.

“Për momentin nuk kemi asnjë dialog politik me Rusinë. Dhe unë mendoj se ne nuk mund dhe nuk duhet ta udhëheqim atë, përfundoi presidenti finlandez.

Kremlini ka paralajmëruar se një prani e planifikuar ushtarake gjermane në Lituani do të përshkallëzonte tensionet.

Aleanca ushtarake e NATO-s dhe anëtari i BE-së, Lituania, e cila kufizohet me Rusinë dhe aleatin e saj Bjellorusinë, tha më herët se do të financonte pjesërisht pritjen e përhershme të 5,000 trupave gjermane nga viti 2027.

Së fundmi, aleanca ushtarake e NATO-s është zgjeruar duke pranuar edhe dy anëtarë, Suedinë dhe Finlandën.

Që një shtet të anëtarësohet në aleancë, duhet mbështetje unanime nga 32 aleatët.