Tre burra janë arrestuar në Francë pasi tentuan të kontrabandonin drogë me dron në një burg. Ngjarja ka ndodhur pranë burgut që ndodhet katër kilometra në jug të qytetit Aix-en-Provence, në fshatin Luines, raporton Le Figaro.
“Natën e së hënës në të martë policia u njoftua për një fenomen të pazakontë pranë burgut të Aix-Luynes Një dron pa pilot po fluturonte mbi burgun“, njofton policia.
Kur ka mbërritur aty, policia ka vënë re praninë e një automjeti të dyshimtë të parkuar pranë burgut. Makina më pas është larguar dhe policia e ka ndjekur.
Drejtuesi i mjetit ka ndaluar në korsinë e emergjencës të autostradës për të marrë dy pasagjerë, njëri prej të cilëve mbante një çantë shpine me lëndë narkotike.
Rezultoi se tre personat u dërgonin drogë të burgosurve duke përdorur dronin.
