Policia ruse arreston 25 aktivistë LGBTI - Bota Sot
Policia ruse arreston 25 aktivistë LGBTI

Evropë

Policia ruse arreston 25 aktivistë LGBTI

Më: 4 gusht 2018 Në ora: 19:25
Rusi

Policia ruse ka arrestuar rreth 25 aktivistë të të drejtave të homoseksualëve të cilët morën pjesë në një tubim të paligjshëm, në Shën Petersburg gjatë ditës së sotme.

Disa dhjetra aktivistë u mblodhën në Sheshin e Pallatit të shtunën pasdite, duke sfiduar urdhrin për ndalimin e mbajtjes së tubimit.

Organizatorët kishin paralajmëruar se do të bënin tubime për të kërkuar lirimin e një personi që protestoi, pasi autoritetet e qytetit refuzuan kërkesën për të mbajtur një paradë.

Policia ndaloi aktivistët që shpalosnin flamujt ylberë ose mbanin pankarta, duke i futur ata në një autobus policor.

Sipas raportimeve, nuk pati përleshje mes policisë dhe aktivistëve, që nuk pranojnë një ligj të miratuar në 2013-ën, që ndalonte përhapjen e “propagandës” homoseksuale.

Muajin e kaluar, policia ruse arrestoi aktivistin britanik LGBT, Peter Tatchell, pasi protestonte pranë Kremlinit në mbështetje të të drejtave homoseksuale.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...