Arratisja e emigrantëve, reagon BE: I kemi kërkuar Italisë edhe paraburgimin, në rast nevoje - Bota Sot
Arratisja e emigrantëve, reagon BE: I kemi kërkuar Italisë edhe paraburgimin, në rast nevoje

Evropë

Arratisja e emigrantëve, reagon BE: I kemi kërkuar Italisë edhe paraburgimin, në rast nevoje

Më: 6 shtator 2018 Në ora: 20:27
Ilustrim

Emigrantët që zbarkuan nga anija “Diciotti”, 50 të tillë që tashmë rezultojnë të arratisur pas transferimit të tyre në qendrën “Rocca di Papa” të Romës, “mund të ishin mbajtur në qendra paraburgimi për të evituar largimin e tyre”.

Kjo është deklarata e zëdhënësit të Komisionit të Bashkimit Europian për Emigracionin, Tove Ernst.

“Kemi qenë të qartë kur theksuam se, nëse nevojitet, paraburgimi mund të shfrytëzohet për të lehtësuar dhe përshpejtuar identifikimin e emigrantëve dhe për të shmangur arratisjen e tyre”, shton më tej ai.

Në reagimin e tij, Ernst ka sqarur më tej edhe rregullat e Bashkimit Europian.

“U kemi kërkuar të gjitha shteteve anëtare, përfshi Italinë, të ngrejnë qendra pritjeje të përshtatshme, të cilat përfshijnë edhe ambiente paraburgimi. Kur bëhet fjalë për të parandaluar fshehjen e personave të caktuar, atëherë edhe paraburgimi është opsion, edhe në rastet kur ata kanë marrë një urdhër riatdhesimi apo gjatë procedurave të azilit, me qëllim që t’i plotësojnë deri në fund ato. Ua kemi kërkuar këtë gjë të gjitha vendeve anëtare, përfshi Italinë”, tha ai.

Një ditë më parë, 50 emigrantë të anijes “Diciotti” u zhdukën. Disa u larguan nga qendra “Rocca di Papa” përpara se të niseshin drejt dioqezave mikpritëse, ndërsa të tjerë humbën gjurmët me të mbërritur në qendra të ndryshme të “Caritas”-it.

Selia e kryeministrit, “Viminale” sqaroi se “bazuar në ligj, këta persona janë të lirë të lëvizin, kështu që nuk i janë nënshtruar mbikëqyrjes së shtetit”, ndërkohë që Salvini nuk nguroi të bëjë ironinë e radhës: Po, a nuk i kisha rrëmbyer unë?

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...