Botërori i Formula 1 ka zyrtarizuar kalendarin e ri.
Zyrtarët e FIA-s kanë aprovuar disa ndryshime të rëndësishme.
Vitin që vjen veturat do ta kenë më të lehtë spostimin drejt Azisë pasi janë afruar si data Çmimi i Madh i Australisë me atë të Japonisë dhe Kinës. Çmimi i Madh i Kinës rikthehet kështu në hartën e Formulës 1 ku për herë të fundit ishte pjesë e destinacioneve në 2019-ën.
Botërori i 2024-ës nis më 2 mars në Bahrein, ku për arsye se koinçidon me muajin e Ramazanit gara do të zhvillohet të shtunën. E njëjta gjë vlen edhe për Çmimin e Madh të Arabisë Saudite.
Një tjetër ndryshim prek edhe Çmimin e Madh të Suzukës, i cili nuk do të mbahet më në vjeshtë, por kësaj radhe do të garohet në prill.
Botërori i 2024-ës do të mbyllet më 8 dhjetor në Abu Dhabi. Sa i përket Botërorit aktual gara e radhës do të mbahet në Silverstone të Britanisë së Madhe.
