Ylli argjentinas ka folur rreth zbrazëtirës që ka lënë largimi i Cristiano Ronaldos në futbollin spanjoll.
Për shumë vite ishin rivalët më të mëdhenj. Njëri me Barcelonën e tjetri me Real Madridin, Lionel Messi dhe Cristiano Ronaldo kanë qenë dy futbollistët që kanë fituar çdo çmim në dhjetë vitet e fundit.
Megjithatë, Ronaldo në fund të sezonit të shkuar vendosi të largohej nga Reali, për t’u transferuar te Juventusi në Itali dhe Messi tregon se mungesa e portugezit është e ndjeshme në La Liga.
“Më mungon Cristiano”, ka thënë Messi për mediat në Argjentinë. “Ndonëse ishte pak e vështirë ta shihja teksa fitonte trofe, ai i ka dhënë prestigj La Ligas”.
“Tani Juventusi është një kandidat për ata fituar Ligën e Kampionëve, pasi kanë Ronaldon në ekip”, ka theksuar Messi.
