Botërisht dihet se krimineli Zhelko Razhnjatoviq-Arkan, ka qenë shumë i afërt me klubin famëkeq Cërvena Zvezda e Beogradit!
Klub që asnjëherë në historinë e ekzistimit të saj, që nga 4 maj i vitit 1945, nuk ka lejuar asnjë shqiptar të jetë në fanellën e tyre!
Klub që gjithmonë njihet me nacionalizëm dhe hiq më larg se në nëntorin e vitit të kaluar, Dragan Xhajiq, Mitar Mërkella e Zvezdan Terziqi ishin në Mitrovicë, ku përkrahën protestat e serbëve!
Disa fotografi që janë publikuar edhe më herët, dëshmojnë lidhjet e forta të mafisë me Cërvena Zvezdën, sidomos në vitin 1991. Atëkohë, Arkani kishte bërë fotografi me lojtarët e Zvezdës pas dhunës që ndodhi në stadiumin në Maksimir të Zagrebit. Tani, Mirko Ivaniç dhe Filip Stojkoviq, lojtarët e Cërvena Zvezdës, nuk pranuan të luajnë për Malin e Zi kundër Kosovës, sipas tyre nuk e njohin Kosovën. Faktikisht, këta lojtarë të lartpërmendur, me gjasë kanë pasur urdhër nga klubi beogradas që të mos paraqiten fare në fushë. Kjo dëshmon edhe një herë se lidhjet e kahmotshme të Zvezdës me bandat dhe kriminelët që morën pjesë në luftërat e përgjakshme në ish Jugosllavi, veçmas kur dihen se kush janë tifozët “Delija”.
