Pak minuta më parë, Manchester United ka zyrtarizuar edhe blerjen e re Harry Maguire.
Mbrojtësi anglez, është blerë për 93 milionë euro dhe kështu është bërë mbrojtësi më i shtrenjtë në histori të futbollit, duke kaluar mbrojtësin holandez të Liverpoolit, Virgil Van Dijk.
Në fjalët e para si lojtari i Manchesterit, ai është shprehur tejet i lumtur me faktin se tani do të jetë pjesë e skuadrës më të madhe angleze
“Jam i lumtur që kam nënshkruar me këtë klub të shkëlqyeshëm. Unë e kam shijuar plotësisht kohën time tek Leicester dhe dua të falënderoj të gjithë në klub, tifozët gjithashtu për mbështetjen e tyre fantastike, gjatë dy sezoneve të kaluara. Sidoqoftë kur Manchester United të troket në derë, është një mundësi e jashtëzakonshme”, tha fillimisht ai.
Ndërkaq ai vazhdoi duke folur edhe për trajnerin si dhe për bashkëlojtarët e tij.
“Nga bisedat e mija me trajnerim, unë jam i ngazëllyer për planin që ai ka për skuadër. Është e qartë se Ole po krijon një skuadër për të fituar trofe. Tani pres me padurim të takoj shokët e mi të rinj të skuadrës dhe të filloj sezoni”.
Kujtojmë që sezoni në Premier Ligë fillon këtë vikend dhe Manchester United do ta filloj sezonin me ndeshjen kundër Chelseas.