Vojvoda: Kualifikimin e kërkojmë nga Liga e Kombeve - Bota Sot
Vojvoda: Kualifikimin e kërkojmë nga Liga e Kombeve

Futboll

Vojvoda: Kualifikimin e kërkojmë nga Liga e Kombeve

Më: 17 nëntor 2019 Në ora: 21:56
Mërgim Vojvoda

Kosova pësoi humbje në ndeshjen e fundit të kualifikimeve për në kampionatin evropian “Euro 2020”, nga Anglia me rezultat 0:4.

Kjo ishte humbja e parë në stadiumin “Fadil Vokrri” për Dardanët, të cilët kanë edhe një shans tjetër për kualifikim në këtë kampionat.

Pas ndeshjes Mërgim Vojvoda u shpreh se rezultati i kësaj ndeshjes nuk ishte me rëndësi. Ai falënderoi tifozët, që janë duke  e përkrahuar në mënyrë të pandalshme kombëtaren e Kosovës.

Vojvoda: Rezultati nuk ishte i rëndësishëm

“Mendoj që rezultati nuk ka qenë shumë i rëndësishëm. Kemi treguar një lojë të mirë. Kemi dashur ti bëjmë krenar krejt tifozët që na kanë përkrahë në gjithë këto kualifikime. Lojët në shtëpi edhe në ndeshjet kur i kemi zhvilluar jashtë dhe për ata, dua ti falënderoje të gjithë tifozët që na kanë përkrahë. Mënyra se si kemi humbur nuk është e drejtë besoj, por rezultati është ky. E dimë që kemi luajtur kundër një kombëtare të fortë”, tha fillimisht Vojvoda.

Për ndeshjen ndaj Maqedonisë, Vojvoda tha se Kosova ka shanse të mira që ta fitojë dhe të mendojë për një kualifikim për në kampionatin Evropian.

Vojvoda: Po tregojmë se jemi rritur si kombëtare

“Normal që kemi shanse, nuk duhet të mendojmë se ka përfunduar. E kemi fitu edhe Ligën e Kombeve  që besoj se shumë pak njerëz kanë menduar që mund të bëjmë atë dhe kjo tregon se jemi rritur shumë si kombëtare, por ka ende gjëra që duhet të mësojmë. Tash duhet të fokusohemi nëpër klube, mu përgatit për  lojën në Mars që e kemi”, përfundoi Vojvoda.

Kosova mbetet e treta në grup dhe kualifikim për në kampionatin evropian do ta kërkojë pikërisht në muajin Mars të vitit të ardhshëm kur edhe do të zhvillohet play-offi i Ligës së Kombeve.

Shfaq komentet
comments powered by Disqus
Sot mund të lexoni Shfletoni kopertinat