Kujtim Shala ka pasur karrierë të bujshme! Lojtar që kishte luajtur vetëm në klube të mëdha.
Karrierën e kishte nisur në KF Liria nga Prizreni dhe pastaj shkoi në Partizan të Beogradit (1983-1984), ndërsa në vitin 1984 iu bashkua gjeneratës së artë të Prishtinës.
Është i vetmi futbollist i gjeneratës së artë të Prishtinës, kur kishte shënuar pesë gola në një ndeshje dhe atë në vitin 1988 kundër Sarajevës në fitoren 5:2 në kuadër të Ligës së Parë të ish Jugosllavisë.
Nga Prishtina shtegtoi në Dinamo të Zagrebit, ku eksplodoi si sulmues dhe u bë idhull i tifozëve dinamovit (BBB). Pastaj vazhdoi karrierën në Gjermani e në Francë.
Ky është Shala i madh, i jashtëzakonshëm dhe ka një ndeshje edhe për kombëtaren e Kroacisë, ndeshje revyale në vitin 1990 kundër Shteteve të Bashkuara të Amerikës, ende pa u prish Jugosllavia, ndeshje që bëri bujë.
