Golashënuesi i Burnleyt, Chris Wood, beson se Old Traffordi nuk është më frikësues për kundërshtarët e Manchester Unitedit, pasi skuadra e tij siguroi fitore me rezultat 2:0 në “Teatrin e Ëndrrave” të mërkurën.
“Shikoni, nuk mendoj se Old Traffordi është i frikshëm tani. Mendoj se në dy vjetët e fundit kemi ardhur këtu dhe kemi qenë në epërsi 2:0 në të dyja herët dhe më pas e shpërdoruam atë epërsi”, tha Wood, i cili zhbllokoi rezultatin e ndeshjes me një gol të shënuar nga brenda 11-metërshit.
“Sot ne erdhëm këtu me të njëjtin mentalitet – të punojmë shumë, të kalojmë në epërsi, ta mbajmë epërsinë që e kemi dhe të luftojmë. Këtë gjë e bëmë”, tha sulmusi nga Zelanda e Re.
Kjo ishte fitorja e parë e Burnleyt në Old Trafford në Premierligë që nga viti 1962.