E ardhmja e Philippe Coutinhos është e paqartë. Bayern Munchen nuk ka ndërmend të paguajë 120 milionë euro për kartonin e tij, madje as 100 sa është çmimi i dytë i vendosur nga klubi i Barcelonës.
Katalanasit në krahun tjetër nuk e duan më në Camp Nou, pasi afrimi i Antonie Griezmann i ka mbyllur çdo hapësirë. Ata duan ta shesin, ndërsa në skenë ishte shfaqur Leicester. Ekipi anglez kishte shfaqur interes për të, por tani pas COVID-19 kanë ndryshuar situatat. Trajneri i Leicester, Brendan Rodgers, është cituar nga MARCA duke folur për brazilianin.
“Kam dëgjuar shumë spekulime në lidhje me të. Është një futbollist i jashtëzakonshëm, por është jashtë merkatos.
Ne do të kalojmë një merkato të vështirë dhe nuk kemi nisur të analizojmë ende lojtarët që duam”, – tha trajneri i “Dhelprave”.
