Prishtina synon që t’i rikthehet fitoreve pas dy barazimeve dhe një humbje, ndërsa Besa e Pejës pretendon pikë në stadiumin “Fadil Vokrri”. Ndeshja mes Prishtinës dhe Besës, është edhe derbi i rivalëve të vjetër dhe që luhet sot në orën 14.00.
Ndeshja referohet nga gjyqtari Ilir Mehmeti. Prishtina zë vendin e shtatë me pesë pikë dhe Besa është në të nëntin me 3. Llapi nga Podujeva nuk ka ecuri të mirë në edicionin e ri, nga katër ndeshje ka një barazim e tre humbje.
Llapi kërkon fitoren e parë në stadiumin “Zahir Pajaziti” në Podujevë, kundër Drenicës nga Skenderaj.
Drenica mëton pikë dhe besojnë e shpresojnë në cilësitë që kanë. Ndeshja fillon në orën 14.00, drejtohet nga gjyqtari Visar Kastrati. Llapi është në fund të tabelës me 1 pikë dhe Drenica mban pozitën e tetë me 5 pikë.