Koronavirus te skuadra e futbollistit të Shqipërisë në Zvicër!
“Klasikja” e futbollit zviceran Zurich-Basel nuk do të zhvillohet ditën e sotme për shkak se njëri prej futbollistëve të ekipit kuqeblu ka rezultuar pozitiv me koronavirus.
Sfida ishte planifikuar të zhvillohej në orën 16:00 të ditës së sotme, por pas konfirmimit të lajmit nga klubi i Baselit se njëri prej lojtarëve është infektuar me COVID-19, stafi teknik dhe e gjithë skuadra është vendosur në karantinë, ndërsa për takimin është marrë vendimi që të mos luhet sot.
Te ekipi i Bazelit bën pjesë dhe futbollisti i Shqipërisë Taulant Xhaka.