Tifozët e Liverpool kanë dhënë një shembull të mirë. Në Angli, një debat i madh është hapur mbi ushqimin falas nëpër shkolla, por edhe në përgjithësi për rastet sociale.
Tifozët e Liverpool kanë marrë hapa konkret për këtë problem, duke mbledhur një shumë të madhe parash. Sipas raportimeve të fundit, tifozët e Liverpool kanë mbledhur mbi 100 mijë funte për bankat ushqimore. Këto të holla janë kursyer nga shuma 14.95 funte që kërkohet për të paguar televizionin, për të parë ndeshjet e Premierligës.
Përveç tifozëve të Liverpool, nga më të zëshmit në këtë problem është ylli i Manchester United, Marcus Rashford, i cili ka fituar simpati të madhe në të gjithë Britaninë e Madhe.
