Sulmuesi i Milanit, Rafael Leao, thotë se barazimi i Milanit ndaj Romës (3-3) ishte zhgënjyes.
Rossonerët luajtën baras me Giallorossët në ndeshjen kryesore të xhiros së pestë të Serie A duke ndërprerë serinë e fitoreve të njëpasnjëshme.
“Është e dhimbshme që nuk fituam. Krijuam shumë raste shënimi, tash po e vazhdojmë punën”.
“Duam ta fitojmë secilën ndeshje, duam të mbetemi në krye të tabelës, por jam i zhgënjyer, sepse bëmë gjithçka për ta fituar takimin”.
“Jemi të përqendruar, duam ta vazhdojmë rrugëtimin tonë dhe të qëndrojmë në krye të tabelës”, ka deklaruar Leao për Sky Sport.
