Milan Skriniar pritet t’i rikthehet Interi, derisa zi-kaltërit po përgatiten për ndeshjen e radhës në Ligën e Kampionëve kundër Real Madridi pas ndeshjeve ndërkombëtare.
Reprezentuesi sllovak rezultoi pozitiv me coronavirus dhe ishte karantinuar, por tani thuhet se është i gatshëm për lojë.
“TuttoSport” raporton se Skriniar ka rezultuar negativ në testin e fundit për Covid-19 dhe është bashkuar në stërvitjet e skuadrës në Pinetina,
“Neroazzurrët” nuk po planifikojnë ta përdorin lojtarin për ndeshjen e radhës në kampionat kundër Parmas, por shpresojnë që ai të jetë gati për ndeshjen vendimtare të grupit në Ligën e Kampionëve kundër Real Madridit javën tjetër.