Zlatan Ibrahimoviq thuhet se nuk është kthyer në stërvitjet grupore me Milanin dhe duket se do të humbasë ndeshjen kundër Parmas, ndërsa Ismael Bennacer duhet të kthehet në dispozicion të trajnerin Stefano Pioli.
“Calciomercato.com” raporton se suedezi, i cili pësoi një dëmtim gjatë fitores 3-1 ndaj Napolit muajin e kaluar, ende stërvitet individualisht.
Milani u kthye në stërvitje pas fitores 1-0 ndaj Sparta Pragës dhe po përgatitet për ndeshjen kundër Parmas në “San Siro” të Dielën.
Raporti zbulon se Ibrahimoviq është ende në dyshim, pasi ai nuk u trajnua me pjesën tjetër të grupit por iu nënshtrua një pune të personalizuar.
Duket më e mundshme që ai të kthehet kundër Genoas javën tjetër. Nga ana tjetër, Bennacer zhvilloi të gjithë seancën.
