I lumtur për një çmim unik por mëse të merituar.
Robert Lewandowski u shpall lojtari më i mirë i vitit nga FIFA, duke mposhtur konkurencën e dy futbollistëve ikonë të shekullit të 21-të Messit dhe Ronaldos.
Sulmuesi polak i cili fitoi gjithçka me Bayernin gjatë këtij viti kalendarik madje duke shënuar edhe një “thes” me gola u shfaq shumë i lumtur në intervistën para mediave për fitimin e Çmimit FIFA The Best Player, teksa theksoi se tashmë fokusi i tij shkon te objektivat e radhës.
“Fitimi i këtij çmimi është diçka fantastike, një vlerësim që shpërblen sakrificat e mia. Do të thotë se i kam arritur objektivat.
Nuk e mbaj mendjen te titujt e fituar, ata kurrë nuk mjaftojnë.
Që prej kur kam filluar të luaj futboll, mendoj gjithmonë për t’u përmirësuar si lojtar dhe fokusohem te objektivi i radhës“, deklaron Robert Lewandowski.
