Jurgen Klopp thotë se nuk mund ta kuptojë pse ndonjë lojtar do të dëshironte të largohej nga Liverpooli, por ai nuk mund të detyrojë askënd të qëndrojë nëse dëshiron të largohet nga klubi.
Mohamed Salah ka qenë në qendër të spekulimeve të transferimeve me Real Madridin, Barcelonën dhe Paris Saint-Germain të gjithë të lidhur me sulmuesin nga Egjipti.
Në të vërtetë, 28-vjeçari la derën e hapur për një lëvizje në të ardhmen në Spanjë, ndërsa shprehu gjithashtu zhgënjimin e tij që nuk u bë kapiten i Liverpoolit në ndeshjen e Ligës së Kampionëve kundër Midtjyllandit.
Spekulimet me siguri do të vazhdojnë me afatin kalimtar të Janarit që po ofrohet, por Klopp, i cili gjithashtu adresoi shqetësimet e kapitenerisë së Salahit beson se ish ylli i Romës ka gjithçka që i nevojitet në “Merseyside.”
"Të gjithë mund të kërkojmë diçka tjetër nëse do të dëshironim, por për mua arsyeja e vetme për t'u larguar nga Liverpooli për momentin është moti!" tha Klopp duke buzëqeshur.
“Çfarë arsye tjetër mund të ketë? Ky është një nga klubet më të mëdha në botë. Ne paguajmë paratë, ndoshta jo më së shumti në botë, por paguajmë mirë, kemi një stadium të bujshëm me mbështetës të jashtëzakonshëm në të gjithë botën. Ngjyrat tona janë të kuqe e cila është ngjyra më e mirë gjithsesi, pra ku janë arsyet?”
“Ju nuk mund t'i detyroni njerëzit të qëndrojnë. Ne nuk e kemi bërë kurrë. E gjitha ka të bëjë me kohën, momentin e duhur. Ne bëjmë ndryshime dhe sjellim lojtarë, dhe nëse një lojtar dëshiron të shkojë, atëherë nuk do ta ndalonim. Thjesht nuk e kuptoj pse do të dëshironin. ”, përfundoi Klopp.
Liverpooli vazhdon ta kryesojë renditjen tabelare në Premier League dhe duket se është në rrugë të mirë për ta fituar titullin e dytë radhazi.
