Gjatë konferencës për shtyp para ndeshjes gjysmëfinale të Kupës së Ligës kundër Manchester City, Solskjaer u pyet për deklaratën e Jurgen Klopp në lidhje me penalltitë e akorduara në favor të Manchester United.
“Manchester United ka pasur më shumë penallti në favor të tyre në dy vitet e fundit sesa Liverpool prej që kur kam mbërritur në Angli,” tha trajneri gjerman pas humbjes ndaj Southampton.
A është ky një fakt? “Ndoshta”, filloi duke thënë Solskjaer.
“Dhe kjo është përgjigjja ime: Është një fakt që kemi më shumë penallti sesa ata. Unë gjithashtu nuk llogaritja sa penallti kishte Liverpool. Nëse ata duan të humbin kohë duke numëruar … Unë nuk e humbas kohën në të.”
“Unë nuk mund të flas për trajnerët e tjerë, pse ata thonë disa gjëra,” vazhdoi ai.
