Marko Van Basten Çema është transferuar te skuadra e Partizanit.
Sulmuesi 23-vjeçar, i cili ka veshur fanellën e kuqe edhe në akademinë e skuadrës së Partizanit, ka firmosur me skuadrën e drejtuar nga Ilir Daja për të luajtur për pjesën tjetër të sezonit.
Ka qenë vetë klubi i Partizanit që e ka zyrtarizuar afrimin e sulmuesit.
Më parë Çema ka qenë pjesë e Kukësit, Dinamos, Erzenit dhe Internacionalit.
Duke parë karakteristikat e tij dhe gjatësinë, për teknikun Ilir Daja është një përforcim i duhur për sulmin e ekipit të kuq.
Çema mund të përdoret edhe nga Partizani B, që militon në Kategorinë e Parë.
