Si gjithmonë garat e Kupës së Kosovës sjellin emocione të pafundme dhe padyshim edhe befasitë janë të mëdha, siç ishte edhe me Istogun që befasisht e eliminoi favoritin Gjilanin.
Tetë skuadrat e kualifikuara me padurim presin t’i mësojnë rivalët e çerekfinales së Kupës së Kosovës.
“Tërheqja e shortit për fazën çerekfinale të Kupës së Kosovës do të bëhet të enjten e ardhshme (më 18 shkurt) në orën 12:00, në ambientet e stadiumit “Fadil Vokrri” në Prishtinë, në prani të Komisionit të Garave dhe përfaqësuesve të klubeve.
Pjesëmarrjen në këtë fazë të garave e kanë siguruar A&N, Prishtina, Llapi, Feronikeli, Trepça’89, Drenica, Istogu dhe Dukagjini”, njofton Federata e Futbollit të Kosovës.
