Trajneri i Interit, Antonio Conte, është shprehur i kënaqur me Ivan Perisic dhe Christian Eriksen pas derbit ndaj Milanit.
Interi doli triumfues nga San Siro në derbin e 228-të ndaj Milanit me golat nga Lautaro Martinez dhe Romelu Lukaku.
Tani “Nerazzurrët” shkëputen katër pikë në vendin e parë dhe marshojnë sigurt drejt Scudettos.
Pas ndeshjes, Conte u shpreh i kënaqur me progresin e Eriksen dhe Perisic.
“Detyra e një trajneri është të bëjë lojtarët të kuptojnë idetë e duhura, mendoj për Eriksenin dhe Perisicin”, tha ai.
“Më bën krenar fakti që ata, sikur të tjerët janë duke u përmirësuar. Jo të gjithë kanë ndikim në realitetin e ri, me Christian është dashur shumë kohë”, tha Conte.
“Nuk kam etiketime ndaj askujt, as ndaj Ivanit, nuk është lojtari që ishte kur kam ardhur, këtë sezon ka qenë shumë i mirë. Ka potencial të pabesueshëm dhe këtë e tregoi sot”, përfundoi Antonio Conte.
