Aaron Ramsey e ka bërë të qartë se Juventusi kishte nevojë për tri pikët në sfidën e të hënës mbrëma ndaj Crotones.
Uellsiani u rikthye nga lëndimi në fitoren e Bianconerëve (3-0) dhe asistoi në njërin prej golave të Cristiano Ronaldos.
“Ishte një ndeshje shumë e rëndësishme për ne. Kishim nevojë për tri pikët. Duhej të zhvillonim një ndeshje sulmuese, duke krijuar shumë raste dhe ta mbyllnim pa pranuar gol”.
“Kthimi te fitorja ishte i rëndësishëm. Në Ligën e Kampionëve nuk kishim fat me rezultatin, prandaj jemi të gëzuar që e arritëm këtë fitore”.
“Ishte po ashtu me rëndësi (të fitonim) duke i parë rezultatet tjera të fundjavës”, ka deklaruar Ramsey për JTV.
