Manchester Utd ka shënuar fitore të zorshme por shumë të ëmbël për të përforcuar pozitën e dytë në Premier League.
"Djajtë e kuq" e mposhtën me rezultat 2:1 Brightonin, në takimin e javës së 30-të.
Mysafirët udhëhoqën me golin e Welbeck në minutën e 13-të.
Në pjesën e dytë Manchester Utd përmbysi rezultatin duke iu falënderuar golave të Rashford në minutën e 62-të dhe të Greenwood në atë të 83-tën.
Futbollisti nga Kosova, Andi Zeqiri, u paraqit në dy minutat e fundit për Brightonin.
Manchester Utd renditet në vend të dytë me 60 pikë dhe ka 14 me pak se lideri Manchester City, ndërsa Brighton është i 16-ti me 32.
