Manchester United dhe Liverpool sot zhvillojnë derbin më të madh anglez.
Kjo ndeshje është e vlefshme për javën e 34-të në Premier Ligë dhe pritet të jetë interesante.
Manchester United është duke luftuar për të mbajtur pozitën e dytë në tabelë dhe sadopak t’i bëj presion Manchester Cityt që tashmë ka prekur titullin me një dorë.
Në anën tjetër, Liverpooli momentalisht renditet i gjashti dhe sot luajnë vetëm për fitore, për të vazhduar garën për një vend në top katërshe.
Phil Jones dhe Anthony Martial vazhdojnë të jenë mungesat te “Djajtë e Kuq”, kurse te “Të Kuqtë” mungojnë Virgil van Dijk, Joe Gomez, Jordan Henderson, Joel Matip e Divock Origi.
Formacionet e mundshme:
Manchester United: Henderson; Wan-Bissaka, Lindelof, Maguire, Shaw; Fred, McTominay; Rashford, Fernandes, Pogba; Cavani.
Liverpool: Alisson; Alexander-Arnold, Fabinho, Kabak, Robertson; Thiago, Wijnaldum; Salah, Firmino, Mane; Jota.
Ndeshja Manchester United – Liverpool zhvillohet nga ora 17:30 në “Old Trafford".
