Kylian Mbappe ende nuk e ka nënshkruar kontratën e re me Paris Saint-Germain, pasi që kontrata e tanishme i skadon në qershor të vitit 2022 dhe ka diskrepanca në mes palëve që janë duke negociuar
Duket se çelësi i bllokimit të nënshkrimit në mes të përfaqësuesve të lojtarit dhe klubit francez ka të bëjë me kohëzgjatjen e kontratës së re.
PSG dëshiron që të nënshkruajë me Mbappe deri më 2025, edhe pse oferta mund ta lejojë lojtarin të largohet më 2024.
22 vjeçari nuk është i bindur me këtë gjë, pasi që ai dëshiron të nënshkruajë vetëm një vit më shumë deri më 2023 me opsionin që të mund të largohet në verën e 2022.
Pika që i ndanë palët
Gjërat për momentin qartë janë në ngërç, pasi që gjatësia e kontratës nuk është i vetmi problem që duhet zgjedhur nëse Mbappe duhet të rinovojë me PSG.
Francezi po ashtu dëshiron garancë për minuta në fushë dhe premtimin e një projekti sportiv që do të koncentrohet për rreth tij.
Me fjalë tjera, Mbappe dëshiron që të rrethohet me lojtarë të cilët do t’i ndihmojnë atij për ta fituar Ligën e Kampionëve sezonin e ri.
Çfarë është e qartë, megjithatë, që pavarësisht të gjithave Mbappe nuk është në presion dhe është i relaksuar për të ardhmen e tij.
“Jam i lumtur me jetën time, ndonjëherë me pëlqen të bëjë jetë të qetë, por kjo është një gjë e mirë”, tha Mbappe për TF1.
“Ka gjëra të mira dhe të këqija, por unë jam i lumtur me gjërat si janë për momentin”.
