Ivan Rakitiç ka reflektuar mbi 6 sezonet që kaloi duke luajtur së bashku me Lionel Messi te Barcelona, duke thënë se qëndrueshmëria dhe aftësia e ish-shokut të tij të skuadrës janë si diçka nga “video game”:
“Një lojtar gjithmonë dëshiron të konkurrojë dhe të luajë me më të mirët. Unë pata fatin të jem në një skuadër për 6 vite me më të mirin në botë. Ishin gjashtë vite të pabesueshme, ku mësova shumë gjëra. Shikoj Leo, i cili ka kaluar 9 sezone me radhë duke shënuar të paktën 30 gola, dhe më duket si një video-lojë.
Nëse e bëni atë në “Playstation”, ata do t’ju thonë se po ngatërroni njerëzit dhe i dini të gjitha hilet. Thjesht duhet ta shijoni atë çdo ditë. Jam krenar që kam kaluar kaq shumë vite me Messi, kam luftuar për kaq shumë tituj dhe kam fituar kaq shumë tituj me të. Sinqerisht, nëse kam qenë në gjendje ta ndihmoj atë, qoftë edhe pak, është shumë e veçantë. Ishte shumë e veçantë të ndaja një dhomë zhveshjeje me kaq shumë lojtarë të shkëlqyeshëm te Barcelona.
E ardhmja e Messit? Nuk e di çfarë do të vendosë ai, por shpresoj të qëndrojë. Do të ishte mirë jo vetëm për Barcelonën, por krejt Spanjën, La Liga-n. Besoj se si tifozë mund të themi se më e mira është që të qëndrojë te Barça. Si mik dhe ish shok i ekipit, uroj më të mirën për të dhe familjen e tij. Le të vendosë për atë që beson se është më e mira për të”.
