Cesc Fabregas e ka komentuar fitoren 3-0 të Italisë ndaj Turqisë në ndeshjen hapëse të Kampionatit Evropian.
Azzurët e përfunduan pjesën e parë ndaj turqve pa gola, mirëpo në të dytën arritën t’i mposhtnin me rezultat bindës.
Fabregas e ka përshkruar këtë takim si të pushtuar nga Italia dhe sipas tij Turqia nuk arriti të mbante as dhjetë sekonda topin në këmbët e tyre.
“Jam shumë i impresionuar, Italia bëri atë që duhej edhe në pjesën e dytë”, ka thënë fillimisht Fabregas.
“Ata vazhdonin e vazhdonin që të luanin shpejt, të lëviznin shpejt, të bënin vrapime të thella. Turqia nuk mund të mbante topin”.
“Nuk e kishte në zotërim as për dhjetë sekonda se Itali “të hante të gjallë”.
“Vrapimet e vogla që bëri Imobile ishin fantastike, Jorginho dhe Barella ishin të shkëlqyeshëm gjithashtu. Fitore e merituar”, ka shtuar më tej mesfushori spanjoll në një analizë për BBC Sport.
