Ragip Xhaka, babai i Granit Xhakës ka zbuluar sonte pse djali i tij nuk ka luajtur tek Shqipëria ose tek Kosova.
Ai theksoi se nuk kanë gjetur akord me Shqipërinë.
Sa i përket kombëtares së Kosovës, Xhaka theksoi se FIFA nuk e ka lejuar Granitin të bashkohet me “Dardanët”.
“Kam pas kontakt me Shqipërinë dhe një mospajtim, nuk erdhëm deri aty. Sa i përket Kosovës e kemi ditur që nëse luajmë në kampionat evropian është e pamundur të luajmë për Kosovën. Ne e kemi çu në FIFA një letër pa ndihmën e askujt, me anë të një avokat. Letra është kthyer, tema është e mbyllur shkaku i kampionatit evropian që i kanë luajtur dhe ajo është mshel”, tha fillimisht Ragip Xhaka.
“Kritikat pas asaj ndeshje kanë ardhë, mua si prind dhe krejt familjes tonë. Nuk e ndi vetëm fajtorë, jam krenar për atë që e kemi bë për Zvicrën e Kosovën. Edhe pse luan Graniti në Zvicër, asnjëherë nuk e kemi harruar kombëtaren e Kosovës”, përfundoi Ragip Xhaka.
