Kualifikimi i Spanjës në çerekfinale të “Euro 2020” ndaj Zvicrës ka lënë një gjendje të keqe te helvetët. Ata e kanë inatin direct me gjyqtarin e ndeshjes, Michael Oliver.
E kuqja direkte ndaj Freuler në minutën e 77-të për një ndërhyrje ndaj Gerard Moreno konsiderohet e tepruar dhe shkaku që para dhe pas atij momenti u pa një Zvicër kaq e ndryshme.
Twitter ishte i mbushur me kritika ndaj gjyqtarit për vendimin e tij. “Arbitri kishte veshur fanellën e Spanjës poshtë”, “Duhet të qeshësh me atë të kuqen”, “Shumë i varfër Michael Olivder, i cili ka një histori vendimesh kritike”…; ishin disa nga komentet në këtë rrjet social. Edhe ish-futbollisti Gary Lineker kritikoi ashpër bashkatdhetarin e tij: “Një tjetër karton i kuq për praktikisht asgjë!”
Për ish-gjyqtarin gjerman dhe ekspertin e ZDF, Manuel Gräfe, ishte një vendim shumë i ashpër.
“E verdha do të kishte mjaftuar”, – tha ai. Ish-arbitri zviceran, Urs Meier, njoftoi para çerekfinales: “Ai është një gjyqtar i shkëlqyeshëm, që ka njohuri të mira të futbollit. Është dikushi që lejon të ketë kontakte”. Pas të kuqit ndaj Freuler, kjo frazë e tij u bë “virale”.
Michael Oliver më herët u bë i famshëm për penalltinë e akorduar në favor Real Madridit kundër Juves në Ligën e Kampionëve, më 2018. Gianluigi Buffon tha për të se ai kishte “një kazan plehrash në vend të zemrës. Duhet të ulet në tribunë dhe të hajë patate të skuqura, para se të fishkëllejë”.